LITERATURE & PRAWAS NEWS: बडादशैंमा नेपाली समुदायका लागि कोष स्थापना

ओकल्याण्ड, २० अक्टोबर--उत्तरी क्यालिफोर्नियास्थित नेपाली संगठन (NANC) को नेतृत्वमा यहाँ आयोजित बडादशैं महोत्सव तथा सांगीतिक कार्यक्रममा करिब नौ हजार डलरको अन्त–संगठन साझा कोष स्थापना गरियो ।

उत्तरी क्यालिफोर्निया क्षेत्रमा रहेका नेपाली समुदायको सहयोगका लागि स्थापना गरिएको यस कोषको सञ्चालन अन्त–संगठन साझा कोष केन्द्रले गर्नेछ । केन्द्रको सञ्चालनका लागि एक सञ्चालक समितिको पनि गठन गरिएको छ ।

ओकल्याण्डस्थित ऐतिहासिक स्वीट बल रुममा गायक राजु लामाका साथ नेपाल साँझको आयोजना गरिएको थियो । सो साँझमा अतिथिहरुलाई स्वागत गर्दै न्यानसीका अध्यक्ष यान राईले केन्द्रका संस्थापक तथा सञ्चालक, समुदायका अगुवा, सञ्चारकर्मी, स्वयंसेवक, प्रायोजक सबैप्रति आभार प्रकट गर्नुभयो ।

अध्यक्ष राईले भन्नुभयो, ‘तपाईंले दिएको अमूल्य दान–दातव्य नेपाली समुदायको त्यो क्षेत्रमा लगानी हुनेछ जसलाई सबैभन्दा बढी आवश्यक छ । यस परियोजनाले नेपालीको एकतामा सघाउ पु¥याउने न्यानसीको विश्वास छ ।’ पाँच वर्ष लामो प्रयासपछि कोषयुक्त सहयोग केन्द्र स्थापना गर्ने सफलता मिलेको पनि उहाँले जानकारी गराउनु भयो ।

न्यानसी नयाँ कार्यसमितिको निर्वाचनका लागि मिति घोषणा गर्ने तयारीमा रहेको छ । कार्यक्रममा सहभागीहरुले न्यानसीका वर्तमान पदाधिकारीले नेपाली समुदायमा पु¥याएको योगदान सराहना गर्दै कति ठाउँमा आपूm मात्र देखिने र यस क्षेत्रका अन्य संस्थालाई पर्याप्त महत्व नदिने काम भएकोप्रति ध्यानाकर्ष गराउँदै सुधारका लागि सुझाब पनि दिएका थिए ।

नेपाली समुदाय केन्द्रका लागि अन्त–संगठन साझा कोष, दाता सदस्य संस्था तथा सञ्चालक समितिका सदस्यको सूची तथा सहयोग रकम–