मित्र लाल पार्दे " हिमाल "
पोल्यान्ड
बेबिलोनको बगैचामा मानवताको लाश पाँए !
बुद्धरुपी मन्दिरभित्र कसाइको बास पाँए !
राम मर्दा बुद्ध रोयो क्राइस्ट मर्दा अल्लाह रोयो
तर आज राम अल्लाह लडाउने त्रास पाँए !
युद्ध होइन बुद्ध भन्दै बाह्र लाश हुँदा पनि
बुद्धको घरै भित्र बुद्धत्वको नाश पाँए !
भाई भाईको लाशै लाशले सगरमाथा चुलिदा पनि
टुलु टुलु हेरिबस्ने रमितेकै मास पाँए !
धेरै पटक लडी लडी लोकतन्त्र लिदा पनि
जनता अझै मालिक होइन नेताकै दास पाँए !
साच्चै अन्याय र अत्याचारको बिरुद्धमा आवाज उठ्छ भने
कति मित्र जुर्मुराउथे मित्रहरुकै आश पाँए !
0 comments:
Post a Comment