योगेन्द्रमिलन छन्त्याल, ५ असार, लिस्बोन, पोर्तुगल । म्याग्देली प्रवासी नेपाली संघ (मोना) पोर्तुगलले आज वनभोज कार्यक्रम सम्पन्न गरेको छ । विविध मनोरञ्जनात्मक कार्यक्रमकासाथ सम्पन्न कार्यक्रममा सयौ नेपाली र पोर्तुगीसहरुको सहभागिता रहेको थियो ।
खानपीन, नाचगान र चिठ्ठासमेत खोलिएको वनभोजमा प्रमुख अतिथि निवर्तमान एनआरएन अन्तर्राष्ट्रिय समन्वय समिति सदस्य मकर हमालले उद्घाटन मन्तव्यमा मोनाले जिल्लाका लागि उल्लेख्य सहयोग गर्नुकासाथै पोर्तुगलमासमेत अनुकरणीय संस्थाको रुपमा स्थापित रहेको उल्लेख गर्नुभयो ।
एनआरएन अन्तर्राष्ट्रिय समन्वय समिति सदस्य पूर्ण हमालले मोना म्याग्दीको मात्र नभइ समग्र नेपालीको हो भन्ने अनुभूति वा महशुश दिलाइरहेको अनुभव सुनाउनुभयो । अर्का वक्ता एनआरएन, पोर्तुगलका अध्यक्ष रमेश गुरुङले पोर्तुगलमा रहेका सबै संस्थाहरुले एनआरएनलाई सहयोग गर्न अनुरोध गर्नुभयो ।
मोनाले सञ्चालन गरेको चिठ्ठामा प्रथम पुरस्कार व्यापारी सूर्य हमाललाई परेको थियो । द्वितीय पुरस्कार समाजसेवी मकर हमालले प्राप्त गर्नुभयो । यसैगरी तेश्रो पुरस्कार विष्णु रोका र चौथो पुरस्कार राम थापाले जित्नुभएको थियो । संघले दर्जनौ सन्त्वना पुरस्कार पनि वितरण गरेको थियो । चौथो स्थानसम्मका विजेताहरुले क्रमश : डिजिटल क्यामेरा, मोबाइल, घडी र पर्फ्युम पुरस्कार प्राप्त गर्नुभएको थियो ।
सान्त्वना पुरस्कार जित्ने टिका पुन, कुमार राम्जाली, रमेश गुरुङ, टेकबहादुर पुनलगायतलाई लिपिष्टिक, दाह्री खौरने रेजर, चश्माजस्ता पुरस्कार प्रदान गरिएको थियो । "सांगीतिक सामग्रीहरुको राम्रो व्यवस्थापन गरिएको वनभोजमा आयोजकका साँस्क्रितिक समूहबाट जुन म्याग्देली गीतहरु गाइए, अत्यन्त रमाइलो लाग्यो ।" भोजमा सहभागी कुश्मा पर्वत घर भइ हाल लिस्बोनमा बस्दै रहनुभएका युवा नरेश श्रेष्ठले कार्यक्रमको रोमाञ्चकताबारे उल्लेख गर्नुभयो ।अध्यक्ष मानबहादुर पुर्जाको अध्यक्षतामा लिस्बोनको अल्भलादे पार्कमा सम्पन्न कार्यक्रम महासचिव धन मल्ल र सचिव धर्मलाल कँडेलले सञ्चालन गर्नुभएको थियो ।
हामी नेपाली, सधै मिल्नुपर्छ । रीसराग, वैमनश्यता र प्रतिशोधको भावना हुनु हुँदैन (फोटो खिचाउदै सहभागीहरु) ।
डिजिटल क्यामेरा कतै मलाई पो पर्यो कि ?
जता माया उतै छ नजर, किरेमिरे जाले रुमाल .......... (देशको याद आउने गरी नाच्दै) 'ख्वै, आयोजकले के के गर्छन् कुन्नि ?' केही क्षण थकाइ मार्दै सहभागीहरु
वाह ! जितियो डिजिटल क्यामेरा ! प्रथम पुरस्कार विजेता सूर्य हमाल प्रशन्न मुद्रामा ।
0 comments:
Post a Comment